IBIBIO VERSION: Governor Udom Emmanuel finishing well and finishing
IBIBIO VERSION
~~~~~~~~~~~~~~~~~~
GOVERNOR UDOM EMMANUEL
FINISHING WELL AND FINISHING
STRONG
~~~~~~~~~~~~~~~~~~~
By ANIETIE USEN
~~~~~~~~~~~~~~~~~~~~~
♦ Ke akpanikọ, mbuumo ansịneke mien k’iwuod mmi-mmi ami ado “anye adad mọ-ọ akpoho anam afịd umiañ usʌñ ami ke sted ami?” Anekke ado ñkpọ ñkpaidem annọ mien mme afịd mbon nti esịd Akwa Ibom daña Governor Udom Emmanuel adutəkke akan afịd mfịna ñkpọ akʌk mme ake mbre ukada ndion adinaña umiañ ñkpọ uñwam idʌñ mme ake ñkọd ke usiak-ifia unaña ñkpọ nnọ mbon awo ke sted ami.
♦ Adinekke nse, idoho nte ebo ke afịd se anye akebiinam ke anam ata afịd-afịd ama, ado awo ikemeke adikịt ndudue nnọ anye mbo ke anye iniehe nti akikede mme uduak adidịbbe sted ami ñka ndaha mfen. Ke aditʌm ntañ, anye adọọñ ubọk ke umiañ ñkpọ tutu ado se ekpebo ke anye abod itʌñusʌñ akpono akan se anye amen, ke adinam nọ sted ami ado nyamma uwʌdñkpọ anọ mbon mfen ke eti usʌñ ukaada. Daña afo akpesese, ete ami ke ata sʌñsʌñ edu, anam nnọ anekke afọn anọ mbon Akwa Ibom. Udom akada Akwa Ibom nnọ afọn.
♦Ñkpọ esʌhọke se ebiibeede ke udua ita asʌhọke ke ukada amọ adoño umiañ abidiiọn (multibillion) Naira utom nte akammba usʌñ atoho Uyo aka Etinan mme ata ufa añwa ubom afịm (akpa utọ ami ke Nigeria) edịhị inaña ñkpọ usọb-usọb ke mmasịñ ke adikebanyen ntaad, mme ñkpọ mfen. Ñko, umiañ awo ebo ke idoho mme Udom anamso akʌk amọ, ado ebo mme anye akịt mọ-ọ akʌk anaña utọ udịm ñkpọ ami. Ke uwʌdñkpọ a-mi ñkitte nto Udom, ñkịt mbo ke ayem ata ntotoño esịd ima afo adinie nnọ-ọ mbon mfo mbemiso afọ akan adido adadusʌñ ke mbre ukada.
♦Aba nte Governor Udom anekke adikịt ñkpọ siba adoho Akwa Ibom State imiñyañake idemamọ, ibaha ake adiñyaña anye, ba ke akammba ukadabidʌñ Nigeria ami adoho ibaha ñkpọ ndomokeed ekịtte se ammọ enam ke sted ami ke afịd isua ukada itiaita ami Buhari akadake ado anam ñkpọ anọ idʌñ mfen.
♦ Mfịn, usen afiọñ 2 ke afiọñ 5, 2023, Governor Udom ayaadad akaan adaiwuod ukada Nigeria President Obasanjo mme metausịn-tausịn mbon Akwa Ibom aka adikibeede akammba usʌñ mfem ami anamma nnọ mme umiañ ikpehe ke sted ami enie usʌñ ekewuọ akpa Inyañ Ibom (Atlantic Ocean). Usʌñ ami anyọọñọ 23.4 km ado ñkpọ ñkpaidem anọ umiañ awo ekekedeke ke Pastor Umo Eno Governor-Elect adiidi nam anye ima.
♦ Ke utịd afiọñ ami ke Governor Udom amayaak ukada inọ andibikeene anye ke edem nte ada ukada, ididoho adidịppe ndaha eti usʌñ ukada mme eti ndadusʌñ ubre mbre ukaada kpọd ke Nigeria ke anye adiinịm inyọñ, anye ayaanekke adiọñọ ke esịd amọ ke imọ ima-iñwana eti añwan nko ke imikweñe inyʌñ ikweñe anye afọn nsọñọ-nsọñọ.
Translated by Ini Mbebeng
