IBIBIO VERSION
UNDERSTANDING THE ECONOMIC GOALS OF UMO ENO ADMINISTRATION
By ANIETIE USEN
NEW DAWN: Umo Bassey Eno.
» Ado akpan ñkpọ mbon Akwa Ibom adinie ata nneinen ifiọk mbaña ñkpọ ami ukaada Pastor Umo Eno abịhi idʌk idi aduakka adinam.
» Udua ifañ adiehe k’iso mbemiso enọ anye ufa kọfnọ (governor) uñwọñọ nsuuk iwuod, ami nya-taad ke ata mmeimem usem se Pastor Umo Eno me ukaada amọ eduak adinam nnọ mbon Akwa Ibom ke se anye ufa kọfnọ akood ARISE AGENDA.
» Mbemiso ami mboiyo ndʌk aditañ ñkpọ mbaña ARISE AGENDA, nyaaben akikere me ifiọk ami adọññọke ke ñkọọgh-iwuod Pastor Umo Eno aduakka adinam nnọ uforo aba ñwọt. Ke ata mmeimem usem, Pastor Umo Eno anịm abo ke ukaada Obong Victor Attah, Chief Godswill Akpabio mme Udom Emmanuel ekedoñño nti ukaada ami ekenamma nti utom adidịppe ndaha eduuwem mbon Akwa Ibom ke adikinam nti utom-idʌñ ke afañ adisai nyʌñ mbọp me usʌñ, ebọb, añwa ubom afịm, ubom afịm, me añwa mbre, usiak-ifia ubood ñkpọ, ufọk ñwed mme itie udia uwem; idoho afịd ke mbat ami-o.
» Ke ntodo, Pastor Umo Eno, nte awo amaanam anyʌn akama ndubehe me udịm awo akịd unen mfọn-mfọn, ayem adikama me nti ñkpọ ado nnam nnọ ufọn akakaiso aba anọ mbon Akwa Ibom. Anye anam akikere adiben afịd nti utom ami me ñkaan mme adaukada ekenaññake ndọñ ke akpasa keed nnam nnọ afịd ammọ edumʌmmọ ubọk enie adudu adịhi ikan inam nnọ uforo ataada ke Akwa Ibom adʌk afịd efaak unam ndubehe nam afịd nditọ Akwa Ibom ekịd uforo.
» Ke adinam ntom, Pastor Umo Eno ayem adinam usọp-usọp ñwuọ-nda ñkpọ itiaita nnọ-ọ nditọ Akwa Ibom. Ñkpọ itiaita ami edoño ñkpọ sidituuk uwem mbon Akwa Ibom; adoññoke
1. Adisuhọ unana
2. Adinam utom aba
3. Adinam udua udep ñkpọ mme udua adinie uñwam ke utom asuhọ
4. Ñsọñọ nda ñkaiso ke uforo
5. Ndaha edu adidu uwem adịppe
6. Afịd awo aba ke eti mme uyai ñkan-ñkʌk
7. Adidịppe ndaha udiọñọ ñkpọ (uka ñwed) mme awo, ndaha adinie ubọk utom, nsọñidem mme inemesịd mbon awo nnọ afọn akan daña akeseado
8. Akwa Ibom ami emem, una-ndǝk mme ukpeme adịhi iba.
Ñkpọñ nyataad me ñkpọ sidọññọ ke uduak akikere uforo akereke ARISE AGENDA mme daña ediinam.
