IBIBIO VERSION: The unspoiled Eden and the Tropicana Mall
IBIBIO VERSION
~~~~~~~~~~~~~~~~~~~~~
ARISE AGENDA & TOURISM
~~~~~~~~~~~~~~~~~~~~~~
THE UNSPOILED EDEN AND
THE TROPICANA MALL
~~~~~~~~~~~~~~~~~~~~~~
By ANIETIE USEN
~~~~~~~~~~~~~~~~~~~~~~
Umiañ mbon esịd-idʌñ ke Akwa Ibom idiọñọke ibo ke ukem itie abaha nte Iñwañ Eden mmọaba ke edemesa ammọ. Ke ufuọd iñwañ ami mme ikpọ ufọk ke anyọn abod mmọ-edudak. Ke ufuọd mme ikpọ ufọk ami edọñọke ke idak mfuud akai, mme mfọọn ubed ufọk 130 (rooms) mme ñkpoon ñwaaña ubed (suites) 26 e-ba. Mme ubed mbọọñ mme mbọọñ ibaan aba; mme ubed anyʌñ aba anọ nditọ mbọọñ. Idoho se efre, mme ubed aba anọ mbon se isisaña mme mbọọñ adoho afọọn ke utọ usʌñ awo idikpinịmme ke akpanikọ.
Ediọñ mme ubed ado tutu ammọ efọn ekewuọ ndaha awo akpekobbo inem uwem akewuọd utịd. Mme mfọọn esa se awo awuọ ada ase ube mmọọñ uwọk-ewọk mme añwa golf aba anọ ubed keedekeed. Uyaiya iñwañ ayob anyọñọ aka ata anyan se mbọọñ ese-enyʌñ ewuọ eda enọ anyen udia mme ntob-ñwuọ mmọọñ k’isọñ asuanake aduọkkọ afịd ini akon mme uweeme ado se eda ekịt ke esa m’ubed ado. Ke ntak una anyịñ se mme unie-idʌñ ekood, ammọ enyʌñ ekood abio ubọọñ ami FIVE STAR. Ukpubịb unie-idʌñ usʌñ usiak anyịñ mfen ke mmibọhọke FIVE STAR ayaasob usʌñ ” ntesob ke akpa inyañ).
Ke akpa mfọn-ñkan itie iñwañ ubọ afịm ami, mme itie mbre nte mbre tennis, squash, gym, sauna mme itie udia uwem ke mben mmọọñ ekotto Marina Club ekemeke adimʌm iyak do, eñwan anye ke ikañ ebʌk-ifia do mme ukọm edian ukọd akọkọọgh enọ mbon isenawo mmọaba. Mme itie ndise mfen edoño itie ubono ñkpọ esed, unamisañ ke ikọd mme uwad-ubom. Tʌññọ ke uyaiya esʌk mben mmọọñ ado, mme isenawo ekeme adidʌk ubom-nyịn anye aben ammọ aka akewuọ awuọ-etob Tinapa – itie udia uwem nnyʌñ nnam ndubehe abaha ke edem inyañ uko ke Calabar, itak ukada Cross River State.
Ado ñkpọ s’inam nnọ uyaiya itie ami anie ukpọhọde ado ke anye anie añwa ubre mbre golf afọnọ nte mbon mfen ke ededimbod. Añwa mbre golf aba ke añyọñ abod ami anamma nnọ awo akan adise uyaiya akai s’idede ikiwuọ ikpọ abod ke Cameroon. Tayo Aina, awo asehe adọñ nduse ke YouTube adoho mbon s’isiise nduse amọ ewak esịm 586,000 ate “afo amekeme adida mi ke abod ami ke añwa mbre golf ami akịt Cameroon”.
Uyaiya awa-awa añwa mbre golf aniehe ibad adu “18 hole” anọ awo nnennen inem mbre golf awo atoiyoke akpeene. Ebo ke anye ado keed ke atu mfọn-ñkan afịd itie mbre golf ke ubeñ ukañ usob-utịn Africa. Ñwed-mbʌk akedeke GOLFWEEK amaabo ke itie ami ke isua 2012 akedo mfọn-ñkan-afịd itie udia uwem. Ami akedo akpa ke idʌñ Africa itie añwa mbre golf adibọ utọ itoodo ado. GOLFWEEK adoho aboiso ke uwedmbʌk mbre golf ke afịd ededimbod aba ke Orlando, Florida ke United States. Umiañ ini (Five Star) asebọ itoodo nte mfọn-ñkan-afịd itie golf ke idʌñ Nigeria ato eboho ekotto Nigerian Association Of Tiur Operators & Travel Agent. Ñwed mbʌk GOLFWEEK akebo ate “Mfọọn awa-awa mbiod mme uyaiya usʌñ mme mfọọn nneeñe-mbono adu 18 mme meñkpọ mfen s’ibaña anam mbon mbre golf enie ñkpọ se ese enyʌñ ekob inem ke emaebre mbre afịd ini k’isua.
Adiwad tʌññọ ke añwa mbre golf ke mfọọn usʌñ Uyo abiotto usʌñ ke Dubai, adadda awo mminịk efịd akewuọ Ibom Tropicana Mall, anyʌññọ ado itie udia uwem nyʌñ nnam ndubehe, aniehe adukpọk use ndise itiokeed, akammba itie udia uwem ekotto Five Star, itie mboho atu-awo mme itie unyam ñkpọ. Akpesʌk ado idahaami itie unyam ñkpọ ikpọọñ akaiso, etọtʌññọ ebo ke anye ado mfọn-ñkan-afịd ke Nigeria. Governor Udom Emmanuel akebeede anye ke isua 2021; enyam ñkpọ do ke ufa edu usʌñ daña enam ke ayio ami keitie udep ñkpọ akponno ke ñkpọ nte square metre 8,000 seeba enyam ñkpọ enyʌñ ekob inem uwem.
Usʌk ñkpọ s’ibaña idaha ami edoño ata mme uyaiya itie use ndise cinema, itie unyam nsio-nsio ñkpọ ami enyamma mme afọñ, ñkpọ nsọñidem mme uyai mme ndidia, itie uñwọñ ti, itie adinam ntək ayịn ekob inem uwem. Ado itie se afịawo k’ufọk ema afọnọ eti-eti ke afịd ndaha ke daña ñkpọ aba ke ededimbod mme mi ke isọñ idʌñ ke sted ediọñọke mfọn-mfọn ebaña nneem umiañ awada-awo-etab ndidia mme mfọọn edu-uwem mme awo. Godwin Asaga akebo ke itie uwed ñkpọ amọ ke afịm ate “Aba ke Akwa Ibom ke nduọkadudu mme ke ndubehe? kịdbo ke imiwakka Ibom Tropicana Mall nnọ akekịt uyai ubọk utom. Ado inem ñkpọ adika do”.
Afọn; idahaami ekpenamdie nnọ afịd umiañ mme itie nduọkadudu asịbbeke ayọhọ isọñ mi aben akʌk adi, anam akʌk aba ke sted anyʌñ anọ ñkpoon mme ntək awo unwam. Ndo ke ARISE AGENDA mme Pastor Umo Eno, akịd unen ke unam ndubehe itie nduọk adudu adʌk adi mmʌmọ-mmʌmọ. Idoho ibad-ibad awo ekekob daña Governor-emekke atañ abaña “ndumʌmmọ ubọk” ke utuanyen afịd itie nte ekesuan etob ufehe nduba umekawo mme ubọọdọ mbuume mbon uwed mbʌk ñkpọntịppe. Nyaawed ñkpọ mbaña ndubehe adidumʌmmọ ubọk ke adiben mbʌk abañake udia uwem ñkesịm utịd udua ami.
Translated by Ini Mbebeng.
