IBIBIO VERSION: Speech by Governor Umo Eno swearing-in new Commissioners on July 27, 2023

IBIBIO VERSION:
BEING THE SPEECH BY HIS EXCELLENCY, PASTOR UMO ENO, GOVERNOR, AKWA IBOM STATE, AT SWEARING IN OF COMMISSIONERS, JULY 27.

(Translated by INI MBEBENG)

PROTOCOL:

1. Yak Ami mmaana itoodo ndufo ke adimek eimekke ndufo esịn ke mkpisọñ mbon ukada (State Executive Council -EXCO) mme ufọk mbed sted (State House Of Assembly) adinyịmme ndufo.

2. Mbọk iyak nnọ Ami ñkọọm Speaker, Rt Honourable Udeme Otong mme mbon ufọk mbed (Honourable Members Of the House) ke usʌñ daña ekesọsọp eseed enyʌñ enyịmme mme mbon ekesịññeke nte kọmisiọna ami esʌkkọ enọ ammọ uñwọñọ nsụụgh iwuod nte mme Commissioner.

3. Embịb mien mbummo ami eti-eti: “Your Excellency nnyịn ikikede adikịd ufa iyiip ke State EXCO, nsido nnọ amaana aben ñkaan iyiip ado adi?”

4. Ibọọdọ mmi aseedo ke nneinen usʌñ anyʌñ anen: Awo isifreke mbon ekọñ ke ekọñ adisʌk ñkekweeñe ami emaekenie edikan. Ami mmenekke ndiọñọ ñkaan iyiip ami. Nnyịn ikika ekọñ adikaiso ke eti ukaada, nnyịn ikiba ke nna-a ekọñ keed; ikinyʌñ ida keed ibọ mkpasi-ikañ idiọk ubịne, umiañ ndufo emaebiad umiañ awa-ñkanika adisaña ke afịd itʌñ mme inụụgh sted ami mme Ami, umiañ ndufo emaebọ utịgha mbre ukada ke iwuod mmi.

5. Ke ntodo, ukweñe adinam nnọ afọn ado adiben mbon ami emaenie ifiọk enyʌñ ediọñọ ukada daña aba nnọ edidiana mme nnyịn enam utom ñkaiso ke emem, ñkọd mme adikpụụño mkpọ ke sted nnyịn ke daña iyem adinam ke A.R.I.S.E. Agenda mme ke usʌñ daña ebịinam adogho eyasọb adinọ ammọ

6. Mfịn, ndufo nte mme Adod-ukpono Commissioner, emenie ataa utem-usio mfọn-mma usʌñ abịghi iñwam ndufo adinam utom ke ufọk-utom ndufo. Amekeme adido akaan iyiip, ado se eunọ-ọ fien idagha ami ado ufa itiad ñwed unam-utom, ñko ana afo akịd abo ke iminam utom keene se’yem ke ufa usʌñ ebogho yak anam. Ini mme sebo yak anam, ado se’ma-udọkkọ mfọn-mfọn. Ekuben fien etịmme edi nnọ adiñwam ke ñkaiso ana afo anam awọd ke emaenen daña ekenie idodanyen ke idem mfo.

7. Ete mmi ke mbre ukada akese’ma aditañ mkpọ asịneke ifiọk eti-eti, ami Ami nyemme adimaana ntañ mmi; “mbọk ku’di adidi-ndọkkọ nsịnifịk se akesịn, ben ibọọdọ nsọk”.

8. Ke ntodo mbon nsaña utom mmi, mbon Akwa Ibom eyem ibọọdọ, ibọọdọ ke adinam nnọ ndidia aba ke adikpụụño usʌñ utọiñwañ ami nnyin ibogho ke iyainam. Mbon Akwa Ibom ebed adikịd daña nnyịn ibiinam nnọ ndumʌmmọ ubọk ke esịd idʌñ ke adiben uwak mkpọ ufodo ndʌk ñkaa nnọ mkpọ akpụụño anọ mbon si’dʌññọ do.

9. Mbon Akwa Ibom eyem adikịd daña mkpọ unwam idʌñ ataada akem afịd itie. Nnyịn inie adinọ ammọ inem uwem ke sted ami – ami ukpeme abagha, ami akenamma nnọ isio ufa ufọk utom akedeke Ministry of Internal Security, ami edịghi ise mkpọ ibaña emem, ukpeme uwem mme inyene mbon nnyịn ke esịd idʌñ mme ke iwuọ-ikiyọhọ idʌñ.

10. Ufọk utom Ministry ami ayaakaiso adidiana keed mme mbon ufọk utom ukpeme mfen enam utom adikịd mbo ke emem anyịn inieghe akakaiso akpon nna mbon ndubehe mme mbon ukaisañ udia uwem ekaiso edi sted nnyịn. Nditọ nnyịn edo se nnyịn ana inọ ammọ mfọn-ñkan-afịd ukpeeb ñwed siba ke ufọkñwed ukada. Umiañ nnyịn mmi ikikaiya ufọkñwed ukada. Ana nnyịn isịn akpogho ke mme mkpọ sebọbọp mme mkpọ ukpeeb ñwed nna nditọ nnyịn efọn nte mbon mfen enyʌñ enie nnennen ubọk utom.

11. Yak ami nnekke ntañ mi: afịd mbon enọghọ utom eto adibre mbre nka ukada ana eka idʌñ ekenam nnọ ekịd ñkọd ke mme wọọd (wards) mme ikpehe ntək ukada. Utom ado atʌññọ mme afo. Ana afo anam utom mme mbon awo ke wọọd mfo, ana afo anam nnọ mme awo ekop ufọn ukaada. Ukaada atʌññọ ke isọñ-isọñ, ana afo ado idiọñọ ukada ke etək ikpehe ukada mfo mme wọọd anyʌñ aba mme mbon mfo k’ini-k’ini. Nnyịn iyaikeene adinam ami mfọn-mfọn, ke ntodo dad nte akpan mkpọ.

12. Ukada ami anekke aduak aditad ñkọd ke mme esịd idʌñ. Ana nnyịn inam nnọ mbon nnyịn ekọd inyʌñ inam ammọ enie sbeadịd (spirit) nsịnifịk unam utom mme ntịñ-anyen. Ana enọ nditọ nnyịn mkpọ enam nna ammọ ekeene enie inie. Ammọ iminieghe senam, nte afo adiọñọke utọ mkpọ ado ado asen mkpọ ke ukañ nnyịn ami atʌññọke adidʌkndi atu mbon nnyịn. Mbon nnyịn edoñño ataa mbon ami enieghe ndad-mmana enọ ami nnyịn anagha iben inam nnọ ekamma enam mkpọ esio akpogho amọ.

13. Yak ami mmaana ntoodo mme Honorary Special Adviser ami ekenọghọ ammọ utom mkpọñ. Mbo yak ediana keed mme ammọ enam utom enọ ñkọd nnyịn. Utom mme ubiọñ enọghọ afịd mme Honorable Commissioner mme Special Adviser ado seema-enekke esịnne ebono ke usʌñ unam utom. Ke ntodo mmeyem nnọ ndufo enam utom ke esịd keed, nna nnyịn ida keed inam mkpọ ukaada inọ mbon nnyịn inyʌñ inam nnọ ededimbod ediọñọ ke akpanikọ ke sted ami ado isọñ uñwọñọ.

14. Akpa nsoobo iwuod mme mkpisọñ mbon ukada (EXCO) ayaaba mkpọñ ubakasen ke ñkanika 11, ndion ado amakweñe afo amekeme adikikob inem “Happy Hour” mme mbon awo. Emaana ebọ itoodo ini keed mfen mbon nsaña utom mmi ke Abasi.

15. Yak Abasi adiọñ Akwa Ibom State.