IBIBIO VERSION with INI MBEBENG
Governor-elect, Akwa Ibom State, Pastor Umo Bassey Eno, presents Governor Udom Emmanuel with his Certificate of Return after receiving it from INEC, while his wife, Pastor (Mrs) Patience Eno, and others watch with keen interest.
BEING THE REMARKS OF PASTOR UMO ENO, GOVERNOR-ELECT, AKWA IBOM STATE, DURING THE PRESENTATION OF CERTIFICATE OF RETURN, INEC OFFICE, UDO UDOMA AVENUE, UYO, THURSDAY 3OTH MARCH, 2023.
PROTOCOL
1. Ke ata afịd esịd mi, yak ñkọọm Commissioner aseehe ñkpọ abaña umekawo abaha mi ke Akwa Ibom State, Dr. Cyril Omorogbe mme nti mbon utom amọ mme Mrs May Agbamuche – Mbu, adodukpono akammba Commissioner aseehe ñkpọ abaña ukañ usuugh usuugh (South South Zone) ke ima ammọ adinkood mien mbo yak ndibọ ñwed itoodo awọttọ ke mmaakan ke nduba, ñko anyʌñ ada anọ adinyịmme akanafịd edikan akebaha ke umekawo nte kọfnọ ke usen efịdeta ke afiọñ ita ke isua 2023.
2. Yak ami mmaana nyaak adikan ami mme ñwed itoodo adikan ami nnọ ñkpon-ñkan Abasi mme nti mbon Akwa Ibom State ke ammọ adinyịmme adidakka nda mme akikede A. R. I. S. E. nnyịn, ñkọdọ adimek emem, ñkọd ufodo, adidianakeed mme ukaada adịhi iba nte ukada Christ ke ifiọk ami anyịmmeke nsuhọ-idem ke adidiọñọ ke afịd awo edo uduod keed.
3. Yak ami nnekke ñkọọm ete mi ke mbre ukada, Mfọn-mma Governor Udom Emmanuel ke adikịt ke idem mi, daña nsʌk nse-ntañ, ñkpọ se usʌk mbon mfen imikanna ikịt; añwaan ima amọ mme asaña-iso awouñwaan, Mfọn-mma Dr. (Mrs) Martha Udom Emmanuel, ami akedoho abọọñ usuan etob, añwaan ima mi abịhi idʌk idi nte asaña-iso awouñwaan, Pastor (Mrs) Patience Umo Eno, Udiana Kọfnọ-emekke (Deputy Governor-Elect) Distinguished Senator Akon Eyakenyi, mfọọn nditọ mi, mme ibaan mme ebe ammọ, nditọ eka mi mme nditọ-nditọ mi ke akam mme ndambed ammọ, mbọdidem, mme idodanyen ke ukeme mi adidad state ami usʌñ. Mmenekke ikọọm.
4. Ami mmekaiso adikọọm akammba mbre ukada nnyịn, Peoples Democratic Party (PDP) ke ammọ adikiimmek mien nte afehe nduba adido Kọfnọ, anie-ukeme mme anana-ekaha atie iwuod akpokodo, Elder Aniekan Akpan mme kọmiti unam utom ñka ke sted, umiañ mboho ekenọhọ ibededem ke adikikwọdọ ikọ ñkaiso adidakka nda ke A. R. I. S. E. AGENDA nnyịn, mme ete nnyịn ke mbọdidem ke sted mme afịd mbon eseehe ekwọdọ ikọ Abasi ke sted ami, mme umiañ mkpisọñ ikpọawo nte akaan adaiwuod ukada Governor, Obong Victor Attah, Iroko mbre ukada Akwa Ibom, Chief Michael Afangideh, Distinguished Senator Effiong Bob, mme mbon mfen, adad usʌñ ke usuan etob nnyịn, H.E., Ambassador Assam Assam, SAN mme afịd eboho usuan etob – Campaign Council, mme iwaad, ibaan, ikpọ-awo mme mbon mfen. Emaenịm ke akpanikọ, ema-enam utom, ema-ewaidem, idaha ami ado ini adinam idada.
5. Yak ndad ufañ ami ñkood nditọ eka mi ekenyʌññọ efehe nduba eyem ukem itie ami ñkeyemme ami Abasi annọhọ mien mfịn ami mbo inkeene mien ke akammba isañ adikaiso nnam nnọ emem akaiso aba ke sted nnyịn. Daña ñketañ ke akpa ikọ mi idaha añkebọhọ edikan ke umekawo, afịd nnyịn imaifehe eti itọk nduba, ado ke afịd nduba ana andikan aba ndion anem Abasi esịd adibo yak ami ndo andikan. Ami mmebeeñe idem adinie nyʌñ ndo añwaña esịd awo ke edikan mme adido kọfnọ afịd mbon Akwa Ibom, ndaaha nse mme awo akeba ke akee ñka mbre ukada.
6. Mbọk iyak nnọ ñkọọm mbon mfen ekefeheke nduba mme ami emaekedi ediñkọọm mien enyʌñ eñwọñọ adidiana keed mme ami ke adikaiso ke utom adọñọke ke A. R. I. S. E. AGENDA nnyịn.
7. Yak ami ñkọọm andido atie iwuod akpokodo kọmiti unọ-item ke esob afịd ñka mbre ukada ke Akwa Ibom State, Hon. Ubong Emmanuel ami akenyʌññọ akeene afehe nduba adida iwuod ukada nte kọfnọ ke idak ñka ADP mme ata afịd mme adad usʌñ ke esob ado ke amọ adinyịmme añwa-añwa mbo ke umekawo ekenamma ke usen afiọñ 18 ke afiọñ 3 ke isua 2023 amaafọn ke afịd usʌñ, ke akenyʌñ awọd udọñ esịd afịd mbon nnyịn.
8. Yak ami mmaana nnekke ntañ ufọn anaha nnyịn isio usua atoho ntak nnyịn adiba ke nsio-nsio ñka mbre ukada. Asuan akpon abọhọ ke sted ami ke afañ adibre mbre ukada ke-ñka-ke-ñka. Idoho se nnyịn iyak nnọ mbre ukada adibiad adidiana keed nnyịn. Anante nnyịn ikaiso adinekke nsịn idem ke adidiana keed nte nditọ-eka, ke ñkpọ se nnyịn iwana keed inyʌn inịm ke akpanikọ ke afọn, ndion isaana iyadesịd, usua, mme emiom ke ntak nsio-nsio mbre ukada iyak.
9. Usuan etob ufehe nduba ukada akweeñe, ini adom adikọk mfịna mmaana nnam nnọ ñkaiso ufodo afịd awo ke esịd keed ke sịbidịd keed, mme ke aduuk keed. Sịbidịd ami ami ndịhi iben ndi ukada sted ami adodo; ke ntodo mbọk Abasi ñwam mien.
10. Isọsọñọ ini keed mfen ke utọ akammba eti ini ami. Abasi adiọñ afịd nnyịn.
