IBIBIO VERSION with Ini Mbebeng
~~~~~~~~~~~~~~~~~~~~~~~~~~
The index is the third consecutive annual assessment that examines the level of transparency accountability operational in the management of public funds and implementation of public policies in all 36 states.
~~~~~~~~~~~~~~~~~~~~~~~~~
Ufa mbʌk atoho eboho akedeke Paradigm Leadership Support Initiative (PLSI), edoho mbon sidian ubọk ke itoodo mme adibo yak eseenam nnennen ibad daña ebiad akpoho ke idʌñ Nigeria, ebo ke Akwa Ibom eben akpa, Yobe ediana ke atu mme sted ke ntʌm-nnam nduñọ ibad ubiad akpoho ke ikpehe ntək ukada ke isua 2022.
Adidomo-nse ami ado ayọhọ ita eseehe enam kwa isua adise ndaha akpanikọ abaha ke edu unam ibad akʌk idʌñ mme adinam utom idʌñ ke afịd mme sted 36 ke idʌñ Nigeria.
SAE (awuọñọke Ntʌmnam Ibad Ntək Ukada) ke 2022 akewuọ akịd Wednesday usen 29 ke afiọñ March ke Abuja; ekewọt daña Akwa Ibom, idʌñ amọiyọke eti-eti ke adan isọñ edo akpa ke adinie mbakka 69 ketu 100 (69%). Yobe ke añyọñ-añyọñ ukañ usiak utịn mme Katsina ke añyọñ-añyọñ ukan usob utịn ediana nte ayọhọ iba (2nd) mme ayọhọ ita (3rd) ke se ammọ ekenieñe 63% mme 50% afịd ami ke atu ikie keed.
Delta mme Edo state ediana do ke ammọ mba adinie 48%, Sted Ebonyi mme Osun ediana ke ammọ mba adiñyʌñ nie 46% ke ini sted Ekiti mme Gombe ekeniehe 45% ukem-ukem adikeene mba ke ata akpa sted duob adinam nnọ afọn.
Ado, Abia, Benue, mme Kano State ekeben ayọhọ 33, 34, 35 mme 36 ke daña edudak ami ke ammọ adikinie 12%, 10%, 5%, mme 3% ke daña enyʌñ edudak ado.
Mme sted mbonñko (duob) ke isọñ-isọñ edoñño Rivers mme Oyo ekeniehe 15%, Bayelsa, Zamfara, Ogun my Kogi states ediana do.
Eti etob ami anam nnọ mbon Akwa Ibom ediọñọ ebo ke Kọfnọ ammọ akamma akpoho sted ammọ ke eti usʌñ anyʌñ aseanam ibad kwa isua ke edu akpanikọ ami eboho PLSI eboho ke ukada Akwa Ibom enam ekan afịd sted 35, ndion aben akpa ke eti-edu ubiad akpoho nyʌñ nnam ibad nnọ afọn ke daña akpena enam.
Mfọn-mma Kọfnọ Udom Emmanuel sọsọñọ, Yak Abasi audiọñ.
