IBIBIO VERSION: AKPA ÑKPỌ 20 UMO ENO ADUAKKA ADINAM
IBIBIO VERSION
AKPA ÑKPỌ 20 UMO ENO ADUAKKA ADINAM
~~~~~~~~~~~~~~~~~~~~~~~~
TOP 20 THINGS PASTOR UMO ENO WILL DO
~~~~~~~~~~~~~~~~~~~
By Osondu Ahirika
~~~~~~~~~~~~~~~~~~~~~
Mbọk bede mme ami ise yak mben mme abo-iso ñkpọ Pastor Umo Eno kọfnọ abịhiidʌk idi adịhiinam ke emaenọ anye uñwọñọ nsuugh iwuod nnọ atʌññọ utom.
1. Umo Eno ayaanam utom adibogh nsio-nsio ubon nditọ Akwa Ibom State; idiboiyoke ikpọñ ndomo ubon ndomo keed.
2. Umo Eno ke ukada amọ, ayaanam mme ñkpọ ke isio-isio usʌñ. Anye adiido adadusʌñ anọ mbon awo anyʌñ anam utom nte eti akpeme edọñ. Anye adiido adadusʌñ idiidoho akaada awo.
3. Edu adinam ñkpọ ke isio-isio usʌñ ado ñkpọ s’idiinọ ñkọd ufodo ke esịd idʌñ adudu mme iñweek. Mme esịd idʌñ nnyịn ayaanem awo adidʌñ nyʌñ nnam ndubehe nte ñkpoon itie ammewo ewakka.
4. Umo Eno aya-akpañ utọñ anọ mme awo. Anye ado ata akpañ-utọñ awo akanna akob mme ñkpọ se mme awo eyem ado ammọ isioho uyio itañ. Ini akeadodo ami mme awo edọkọke anye ñkpọ se inekke ifọn, anye ayaakob.
5. Umo Eno idi-dobbo uyio ke utom imifọnnọ ikem. Anye idinyịmmeke utʌñ-utʌñ, ubaagh-ubaagh ñkpọ. Anye idiiboho ke mbre ukada aseaba ntodo. Awo enọhọ utom imikanna ikabba se ARISE AGENDA awuọñọ, idikaha iso isịne ke ukada.
6. Umo Eno aya-añwam ukpeme uwem awo mme inyene. Anye idiyọhọ ñkpọ ndək mme ñkpọ se idifịna emem ke usʌñ ake adodo.
7. Mme isenawo edʌññọke mi eyaekịd mfọn-ido mme-m’isenawo abaha ke Akwa Ibom State daña aka iso sia adoho Umo Eno adiikada ukada akoonoke afịd awo adọñ keed. Anye ado awo afịd mme idʌñ.
8. Idoho nte adikimek Umo Eno akedo ñkpọ mfọn-iso. Anye ke ata nnennen usʌñ ado awo akebeñeke idem akan afịd mbon sikiyem itie nte kọfnọ ke Akwa Ibom State ke isañ umek awo anyem.
9. Umo Eno ado mfọn’ñkan-afịd ito-afịd ke ñkaiso ukaada ami emaekeneñe ibono ima. Anye ayaanam afịd ñkọd ufodo eduyịdde enọ nsọñọnda ke umiañ udodo ñwana-ñkada ukada.
10. Umo Eno nte adad-usʌñ ayaano afịd awo unen, ikedeke mme ato uke, mme ado awo ake-e edu ukpono, mme ado awuñwaan mme ado awodeen, mme ke ntak mbre ukada mme daña ama adikeede ñkpọ.
11. Umo Emo idiyakka mbre ukada amọ afịna eti edu uwem amọ. Anye ado awo eti uwem anyʌñ anie udọñ adinam eti ñkpọ kodo ado eti ñkpọ adinam eti. Anye adiido nnennen, afọn anyʌñ asọñ ada ke sifọn.
12. Umo Eno idiidoho awo anana mbọm mmaana nyem adisio awo usiene ke ñkpọ mbre ukada. Mme utọ edu ado idoho ñkpọ sekama ediọñọ eti ndadausʌñ. Anye idiboiyoke ikpọñ idʌñ ndomokeed.
13. Umo Eno idinyịmmeke ntịmme-ntịmme ubiad akpoho mme unana aditʌm ñkama ndubehe ukada. Anye ayaakịd ibo ke ukaada nte ñkpọ etʌmmọ enam ke usʌñ daña eseenam, ke enam anye nte ñkpọ atu awo.
14. Umo Eno ayabọb ukada amọ ke akpanikọ, añwa-añwa usʌñ, nneñe-nneñe usʌñ mme ke adinam ibad mfọn-mfọn.
15. Umo Eno ayaañwam mme ndubehe, mkpoon mme ntək anyʌñ anekke ase daña ediñwam unam-ndubehe.
16. Umo Eno ayanekke ndaha mme iwaad ami eyemme awo uñwam s’isio ammọ ke akpọsọñ akikede mme una idodanyen. Eyaeñwam ibaan enyʌñ eben uboikpa esịn ke atu.
17. Umo Eno ayaayʌd utọiñwañ akabba ke usʌñ anye aduakka adisiak mme itie idʌñ ami afịd ñkpọ adịhi-iba ke mme itie idʌñ ado; mme uñwam item utọ iñwañ, adikama mmasịñ nnam utom iñwañ nyʌñ ntọ iñwañ ñkịt udodo.
18. Umo Eno ayaamaana asịn uwem ke ndubehe adinọ awo nduọk adudu mme adimaana mbọb mme itie adika ñkeseed ndise ke mme itie udia inem-uwem. Anye ayaanam adidi ndidia inem-uwem ado ata ñkpọ sidiiben akpoho isʌk uyaiya Akwa Ibom State.
19. Umo Eno ayaasịn ukpọhọde ñkpọ ke afañ ukpeeb ñwed anyʌñ aben uyai adi ke efaagh ami. Nditọ ufọkñwed eyaekob uwem mme mfọn ukada.
20. Umo Eno ayaaben mme ñkpọ uñwam-idʌñ adịhi itaada idʌk esịd idʌñ mme ñtək mkpoon idʌñ mme ata esịd idʌñ. Anye ayaanam ñkpọ aditre mme awo adiwuọọñọ ñkpọñ esịd idʌñ ñka mkpoon idʌñ nte-ewak.
Afo abọñ ñkpo mme ayeayịk mme ñkpọ ami? Abịb mme ami ndadie ndiọññọ, mme nyʌñ ndo Abasi?
Kufịna idem mfo. Ami mmekpañ utọñ nnọ Umo Eno ke afịd idaha anye akesehe adọkọ mme awo abaña se anye aduak adinam tʌññọ ke usen 30 ke akpa afiọñ ke isua 2022 ke emakesio anye idaha.
Anye a-awewed akikede amọ ama, umiañ mbon Akwa Ibom ekood se anye aduak adinam nnọ-ọ ufodo mme ñkọd nti ñkpọ Akwa Ibom State. Afo ñko amekeme adikood. Bọ ñwed ARISE AGENDA keed kood.
Anye ifaada ikọ ke amaatañ, anenekke atañ, atañ afịd ini nnenmen-nnennen ke se anye aduak anọ Akwa Ibom anye adaha akịd. Nịm ami nte ata ñkpọ se akama adidiọñọ se Governor Umo Eno ado ke ini amaadiwuọ.
Translated by: Ini Mbebeng
