IBIBIO VERSION: UDOM, ATUEKỌÑ NNYỊN
IBIBIO VERSION
UDOM, ATUEKỌÑ NNYỊN
~~~~~~~~~~~~~~~~~~~
UDOM OUR HERO, OUR LEGEND
~~~~~~~~~~~~~~~~~~~~~~~~
By ANIETIE USEN
~~~~~~~~~~~~~~~~~~~~~~~~
* Afịd mme kọfnọ nnyịn tʌññọ ke Obong Victor Attah ke 1999, enam Akwa Ibom ekob uko. Afịd mme kọfnọ Akwa Ibom keedekeed ese-efọfọn enyʌñ enam ñkpọ ekan ada ammọ ekebọhọ ukada eto.
* Umiañ awo ekọọm Obong Godswill Akpabio ke anye adikinañña mme ñkpọ unwam isọñ-idʌñ ke sted. Ado ami ñkede ke akan-afịd ñkpọ se anye akenam anọ Akwa Ibom – mme akedo ñkoi-nnam, mme akedo uduak Abasi, akedo anye adikiyeem Udom Emmanuel nnọ ado andikibọọ anye ukada.
* Ami ami mbo ke Governor Udom adoho awo idikokkoke idem, aba daña awo akpeba anyʌñ abaagh Abasi akabba ado saña-saña awo ke ukaada mme edu ndadusʌñ amọ mme ñkpọ se anye anañña anọ Akwa Ibom State mme mewo. Se ntañ ami ado ke afịd ikpehe ukada.
* Daña ami ñkịd, Governor Udom ado ata ñwuọ nda uwʌdñkpọ daña Abasi akeme adiben mme mmeimem ñkpọ ededimbod nnuak mme ikpọ ñkpọ… nnọ ato do abʌkidem ndomokeed adidad ubọọñ ke iso amọ. Ke unyịmme mmi, ami mbo ke mmema nnekke mma asuhọ idem ete ami.
* Adisuugh anyen nse anye nte awo ammakpede anye etək-etək ke mmi-mmi ami, mekeme aditañ idoho ke adinyʌñ nta-tañ, mbo ke edidem ñkọdọ oku anye doho, ke anie edidiọñ ami Abasi abaha mme anye akammba-akammba anyʌñ adad anye usʌñ ke utuanyen afịd ñkpọ se anye anam nte kọfnọ. Adaami ado mbʌk usen mfen.
* Ado yak mmaana ñwed mi se mmase ntañ umiañ ini ke udedio mme tedefision ke emaembịb mbuume. Usen keed, mbon Akwa Ibom emaekede ñkpọ ise edem, eyaetoiyo enyʌñ ekọọm Udom Emmanuel mfọn-mfọn idoho ke nti mme nsọñọnda ñkpọ se anye anañña kpọd, ado akan-afid adiido ke anye adikiyeem awo (abaha) nte Pastor Umo Eno nnọ ado awo se idad itie ukada ke anye amasọiyọ.
* Idaha ami yak ñkanna anyen nse mme utom se emaekweeñe sena ate ekebeede ke adinam mfịn ami mme udua mfen. Ndise adaha do ado ndise ufa usʌñ Ring Road II daña aba ke akoneyio, adoho ebọb anye ebakka iba, ANIE-UBEÑ-AMỌ ASAÑA, anyọññọ 3.32 km tʌññọ ke Aka Road akewuọ Abak Road ke Uyo eboho ke eyaenam adinam adibeede anye mfịn ami.
* Governor Udom ke akpanikọ anam ñkpọ atuugh mme uwem awo anyʌñ anam ñkpọ akpuuñño ke Akwa Ibom State nnyịn. Anye Adod afịd ukpono mme ima ami mme awo ekemeke adiñwañña ñfʌk adadusʌñ ammọ.
* Yak Abasi asʌk akaiso adiọñ ayio-iso amọ.
Translator: Ini Mbebeng
