IBIBIO VERSION
OBONG SAMPSON UDO IDIONG
~~~~~~~~~~~~~~~~~~~~~~~
What You Need To Know About
Obong Ikpaisong Sampson Udo Idiong,
The Man Governor Udom Immortalized
Today With A Brand New Express Road
~~~~~~~~~~~~~~~~~~~~~~~~~~~~
By ANIETIE USEN
~~~~~~~~~~~~~~~~~~~~~~~
* Kab-se ata ufa usʌñ – SAMPSON UDO IDIONG DRIVE ke Uyo, ami Governor Udom Emmanuel abeedeke ke Akwa Ibom State mfịn ami adinịm ñkpọ aditoiyo nnọ awo keed ke atu mme ete nnyịn eketʌññọke adiyem sted ami. Usʌñ ami adoho abaka iba, anie ubeñ awad, anyọọñ 3.32 kilometers ke ata esịd Uyo, ato awuọ-eto Aka Road akewuọ Abak Road anyʌñ añwam mbon uwad-usʌñ adisio ndubuudo Mechanic Villege ñkad ke ammọ emaebiika Abak.
* Obong Ikpaisong Sampson Udo Idiong, akedo awo keed ke atu mbon s’ikitʌññọ ñka Ibibio Union ke Calabar ke 1928 ke ini Ibibio, Annang mme Eket ekedianake keed nte ubon keed. Anye akedo akpa atieiwuod akpokodo Annang County Council ekediọñọke idaha ado nte “Main Council” ke 1934.
* Ekemegh anye nte andida nnọ Southern Annang ke Calabar Provincial Council ami akedikabbake ado Eastern House Of Assembly ke isua 1944. Anye akedo keed ke atu mbon se ikitʌññọ ñka mbre ukada NCNC mme Action Group ke 1945/1957 mme – me Dr. Nnamdi Azikiwe mme Chief Obafime Awolowo nnọ-ọ ukadaidem Nigeria.
* Obong Ikpaisong Sampson Udo Idiong akedo ke isua 1945 andikinam nnọ etʌññọ akpa iñwañ kọfmen ke Eastern Nigeria ke Obio Akpa, idʌñ ammọ ke mkpede Abak, Akwa Ibom State ami akekabbake ado ufọkñwed ukpeeb utọ-iñwañ (School Of Agriculture) mbemiso mfịn ami ayedido (ubeñ) añwa Akwa Ibom State University. Anye ñko akedo adadusʌñ ke adikitʌññọ ufọk ibọk Ikot Okoro General Hospital ke isua 1954, Southern Annang Secondary School ke 1964 amaana anam nnọ ekpe akʌk ufọkñwed enọ umiañ nditọ ufọkñwed. Anye aketʌññọ Abak Motor Park mme moto itiaba ke 1948 nte akpa atie iwuod akpokodo Abak. Emaemek anye nte adad usʌñ ke mbre ukada nnọ-ọ mbon Annang ke isua 1958.
* Ke isua 1962 emaemek anye edod nte Obong Ikpaisong Ibibio mme Annang (Idaha ado) akedoho mkpon ñkan afịd itie ubong ke idʌñ Ibibio mme Annang. Emaedod anye ubong nte Nsọbom ke Clan Obio Akpa ke isua 1940. Anye akedo akpa Edidem (Paramount Ruler) Ukanafun ke Isua 1976 mme akpa Edidem (Paramount Ruler), Oruk Anam ke isua 1989.
* Aboiso awoñwaan Akwa Ibom, Dr. Mrs Martha Udom Emmanuel ado keed ke atu nditọ-nditọ amọ.
* Obong Ikpaisong Sampson Udo Idiong akekpa ke isua 2000 ke anye amakedu ayọhọ isua-uwem 115.
Translator: Ini Mbebeng
